Posted on

DSWD Undersecretary Aimee Neri uban ni Director Mari-Flor Dollaga, Regional Director sa DSWD-10 mibisita sa mga opisyales sa lokal nga pangagamhanan sa Malaybalay niadtong Nobyembre 23, 2020 aron pagpasalamat sa ilang suporta nga gihatag ngadto sa buhatan aron kini maka-implementar sa iyang mga social protection programs nga maayo ug plastar sa maong lugar

PASALAMAT. Ang Department of Social Welfare and Development Field Office 10 nagpakita sa ilang dakong pasalamat sa lokal nga pangagamhanan sa dakbayan sa Malaybalay ubos sa pagpangulo ni Mayor Florencio Flores, tungod sa tabang nga ilang gibu-bo ngadto sa mga programa sa DSWD aron kini ma-implementar ug insakto sa maong siyudad.

Matud pa ni Director Mari-Flor Dollaga, Regional Director sa DSWD-10, angay pasalamatan ang maong dakbayan tungod kay naghatag kini ug logistical support sama sa venue, security, opisina alang sa mga empleyado sa DSWD nga gipadala sa maong siyudad, ug uban pang klaseng suporta.

Ang pagpasalamat gipasundayag niadtong pagbisita nila DSWD Undersecretary Aimee Neri ug ni Director Dollaga sa City Hall sa Malaybalay gahapon, Nobyembre 23, 2020.

Lakip usab sa pagbisita ni Undersecretary Neri sa maong dakbayan ang pagsaksi ug pagmonitor sa payout sa Emergency Subsidy Program (ESP) ngadto sa mga 268 ka mga residente sa barangay Kalasungay ug sa payout sa Social Pension ngadto sa 171 ka mga senior citizens gikan sa mga barangay sa Can-ayan, Manalog, ug Kibalabag.

Dakong pasigarbo sa DSWD tungod sa maayong panag-uban sa lokal nga pangagamhanan sa Malaybalay ug sa Buhatan aron mahatag ang de-kalidad nga serbisyo ngadto sa mga katawhan sa maong dakbayan.

Salamat Malaybalay City!

Xxxcpt