Gipahugtan na sa Department of Social Welfare and Development (DSWD) Field Office 10 ug sa Philippine Air Force sa Armed Forces of the Philippines ang pagtambayayongay aron mahatod ang mga serbisyo ug programa ngadto sa mga labw’ng nanginahanglan.
Kini human nagtagbo si DSWD Field Office 10 Regional Director Mari-Flor Dollaga-Libang ug si Lt. Col. Derrick Ablog, commander saTactical Operations Group (TOG 10) sa Philippine Air Force nga nahimutang sa Lumbia Airport ning dakbayan sa Cagayan de Oro.
Gihisgotan sa duha ang pagtinabangay panahon sa paghatod og mga serbisyo ug programa sa DSWD, sama sa paggamit sa mga eropplano ug helicopter sa Philippine Air Force. Gikalipay ni Director Dollaga ang pagbisita ni Lt Col Ablog tungod kay dako kini og ikatabang sa pagpaayo ug pagpahapsay sa pagtubang sa DSWD sa mga panginahanglanon sa kliyente niini.
