Council of elders sa KADIMADT mipakita og suporta sa CDD Bill atol sa gipahigayon nga Pamuhat ug Ancestral Domain Assembly, Marso 30, 2021, Sumilao, Bukidnon (Kuha ni Mary Nathalie D. Soldevilla/SMO)
Naghugpong ang mga council of elders sa Higaunon sa lungsod sa Sumilao ug Impasug-ong, Bukidnon alang sa usa ka Pamuhat ug Ancestral Domain Assembly isip pagdawat ug pag-suporta sa Community-driven development (CDD) program sa DSWD KALAHI-CIDSS.
Ang mga barangay sa Kisolon, Lupiagan, ug Poblacion sakop sa Sumilao, ug barangay La Fortuna sa Impasug-ong ang mga benepisyaryo sa programa nga dunay pondo gikan sa Office of the Presidential Adviser on the Peace Process (OPAPP) ilawom sa Payapa at Masaganang Pamayanan (PAMANA) framework.
Ang OPAPP ug DSWD nagtimbayayong sa paghatod og mga proyekto partikular ngadto sa mga IP pinaagi sa CDD nga stratehiya.
Tulo ka Tribal Hall with Tulugan nga dugay nang gipangandoy sa tribo, ug usa ka Isolation Facility ang mga proyekto nga target ipatuman sa mga Higaunon ilawom sa Cycle 1 nga implementasyon.
Buot mohangyo ang KADIMADT o Kitanglad, Alihuton, Danao, Inalad, Man-Egay AD Title og dugang pondo sa OPAPP, pinaagi sa usa ka resolusyon, para sa mga proyekto sa Sumilao nga dunay kasamtangang budget nga tag Php600,000 matag barangay. Samtang 1.2 million ang solo nga i-implementar sa barangay La Fortuna, Impasug-ong.
Ang IP-CDD gitan-aw nga mopalig-on sa koordinasyon sa mga Indigenous Political Structure (IPS) ug local government unit sa mga hisgotanan sa kalambuan ug kalinaw ubos sa mga lugar nga gipuy-an ug gidumala sa mga IP.
“Atong suportahan ang DSWD sa ilang mga programa ug stratehiya aron molungtad kita sa atong pakigbisog [ngadto sa kalinaw ug kalambuan].” Mensahe ni Impasug-ong Municipal Administrator Ben Gabriel Uy.
“Panghingusgan gyud nato ni kay para ni sa atong mga kabataan, ang atong mga future nga mga Datu ug Bae.” Dugang niya.
Gidasig usab ni Uy ang tribo nga ipakita ang ilang hugot nga suporta sa CDD Institutionalization Bill nga kasamtangan giduso karon sa kongreso sa DSWD KALAHI-CIDSS.
Ang CDD ga-ila nga ang katawhan adunay gahom sa pagsulbad sa mga suliran sa ilang katilingban pinaagi sa mga prinispyo sa pakighilambigit, kadayag, ug may tulubagon.
Nagtamod ug sensitibo ang IP-CDD sa Indigenous Knowledge, Systems and Practices (IKSP) ug naglantaw sa mga safeguards pagsiguro nga ang mga proyekto dili makadaot sa katawhan ug kinaiyahan.
Hantod tulo ka cycle o tulo ka tuig pa ang programa sa IP-CDD sa mga nasangpit nga lugar ug mohatod sa mga proyekto nga gi-ugmad sa katawhan pinaagi sa community-driven development.
