Miakatlopolo ago pat gawii (34 days) dun so Disaster Operation a DSWD Region 10. Sii ko soled a gia mga gawii na da kami dun makalpas mamgay sa panabang ko mga pagari ami a bakwit o IDP (Internally Displaced Person).

O pud kano ko mga pamilya a dadun makakowa sa panabang na aya maana oto na da kano ma validate a bakwit o IDP sa gianan a lugar a katatarosan iyo.

Para mavalidate kano a bakwit o IDP na paganay ron na kailangan a miapud kano ko listaan a mga IDP a endorsed o barangay kapitan a katatarosan iyo.

Mibgay gyuto a listaan a IDP a endorse a barangay sa CSWD (City Social Welfare and Development Office) o di na MSWD (Municipal Social Welfare and Development Office) na began kano iran sa DSWD DAFAC o Disaster Assistance Family Access Card.

Gianan a DAFAC na profile anan o pamilya nyo a miakambakwit, gianan i p’kikowa niyo sa relief goods ago mbarambarang a panabang a pakapoon sa gobyerno, kalaanon na gia DSWD.So DAFAC na toos a miavalidate kano bakwit o IDP.

So relief distribution odi na kapamgay sa relief goods na pagiskedyulun a CSWD odi na MSWD ko mga barangay niyo, kinakailangan bo na pakasung kano ron oman skedyul a distribution. Pukaip kano sa barangay hall an iyo pukatokawi so skedyul o relief distribution.

So relief distribution na aya di pamgay iran na Family Food Pack (margas, kape, sardinas ago corned beef) para ko isa ka pamilya.

So kadakul a Family Food Pack a dipamgay na itutukid anan ko kadakel a IDP a miavalidate omani barangay, ino kinakailangan na miavalidate kano daan.

So sii ron sa Iligan na adun a mga staff ami a maassign a pagogop sa validation omani barangay, aya lagid iyan na so mga pud a munisipyo sa Lanao del Norte, Bukidnon, Misamis Occidental, Camiguin ago Misamis Oriental maapedon a Cagayan de Oro city.

So mga staff ami bubugan anan sa insana, limitado so pwersa ami ino di kami di maki-coordiniate sa barangay, CSWD o di na MSWD ka siran I titu a pakakowaan ami sa impormasyon o mga IDP.

Pinakaimportante a katanodan tano langon na kailangan a mavalidate so pamilya nga a IDP kano para katokawan a gobyerno ago kabgan kano sa mga panabang. Maito mala a panabang na panalamatan tano so Allah ka mataan aya mala a pamangniyan tano imanto sa tabang na so tuhan a masalinggagaw.

Aya mala a pamangnin ami rukano mga lokes pagari ami na tuman tano ko mga bitikan a gobyerno, kalaanon na gia DSWD. O adun di tano kasagogodan ko mga bitikan na mangingisa tano ko mga opisyal a di ron di nggalbek.

Sisinabota tano ago mamagongowa tano. In sha Allah, na itataros dun so di ami rkano di kaserbisyo sa taman a kapapadalum iyo sa gia mga ingud tano sa region 10. Pamangnin ami rekano a maaf so di ami ron katarotopan. Aya mala pamangnin ami na sisinabota tano ago mamagogopa tano sa dayon sa makambalingan tano sa ingud a Marawi.

Assalamo alaikom, warahmatullahi wabarakatuh.

 

DSWD Field Office 10

Disaster Operation Center – Iligan City

542, Pala-o, Iligan City

(063) 222-0578