Alayon sa gisagubang nga krisis karong panahona kansang grabe ang apekto sa mga kaigsuonang nanarbaho pinaagi sa pagmaneho, mitunol and Department of Social Welfare and Development (DSWD) Field Office (FO) X ug family food packs (FFPs) ug tres mil ka pesos nga ayuda ngadto sa 1,202 ka mga motorcab drivers sa Oroquieta City, Misamis Occidental.
Isip pagpadayag sa ilang suporta, personal nga mitambong si DSWD, Mindanao Affairs Asec. Jade T. Jamolod ug DSWD Field Office X Regional Director Mari-Flor A. Dollaga-Libang sa maong kalihukan.
Pinaagi sa tapik sa kagamhanang lokal sa Oroquieta, nahimong posible ug malampuson ang pagpang apod-apod sa maong mga ayuda. Ang tres mil nga pinansyal nga ayuda nag gikan sa usa sa mga serbisyo nga ginatunol sa DSWD ngadto sa katawhan kansang gitawag nga Assistance to Individuals in Crisis Situation kon AICS. Samtang ang pagpanghatag sa family food packs (FFPs) pinaagi sa makanunayong koordinasyon sa Disaster Response Management Division (DRMD).
Dugang pa niini ang matag kahon sa FFPs adunay sulod nga upat ka delata nga tuna flakes, duha ka delata nga sardinas, upat ka delata nga corned beef, lima ka sachet sa 3-in-1 nga instant coffee, lima ka sachet sa powdered cereal drink, ug unom ka kilo nga NFA rice. Kini maka sustinar sa pamilya nga adunay lima padulong sa unom ka mga miyembro sulod sa duha padulong sa tulo ka adlaw.

• 

Ang DSWD padayon ug kanunay nga andam sa pag-alagad ngadto sa mga nanginahanglang komunidad ug sektor sa tibuok Northern Mindanao hilabina sa mga katalagman nga dili matagna sama sa pandemiya.