DSWD Field Office X brings in 694 family food packs to the Muslim communities in Opol, Misamis Oriental in support to its Local Government Unit.

Sa pagtambayayongay sa National Commission on Muslim Filipinos (NCMF) Region X ug Department of Social Welfare and Development (DSWD) Field Office X, natunol ang lain pang 694 ka mga family food packs ngadto sa mga kaigsuonang Muslim sa lungsod sa Opol, Misamis Oriental.

Ang pagpang apod-apod alayon sa tumong ug tinguha sa NCMF nga matabangan ang mga kaigsuonang Muslim nga anaa sa gitawag nga informal sectors kansang naapektuhan ang panginabuhian tungod sa pandemiya.

Dugang pa niini, ang maong mga FFPs maoy mahimong konsumo sa matag pamilya hilabina sa kasamtangang pagsaulog sa Ramadan.

Matag kahon dunay sulod nga upat ka delata nga tuna flakes, duha ka delata nga sardinas, upat ka delata nga corned beef, lima ka sachet sa 3-in-1 nga instant coffee, lima ka sachet sa powdered cereal drink, ug unom ka kilo nga NFA rice.Ang maong kalihukan gitambungan nila ni (gikan wala padulong tuo sa una nga litrato) Kagawad Emmanuel Bersabal, Kapitan Clementino Utacan Jr., Atty. Cabib Abdul (Home Owners President sa Vamenta), Ced Cabaraban (DSWD DRMD Staff), NCMF Regional Director Dr. Abdulnasser Masorong Jr., ug NCMF Acting Settlement Division Chief Abdul Mohaimen Hamid.

Ang DSWD mapasalamaton sa mga ahensiya ug LGUs nga kanunay mutapik ug makigtambayayong alang sa kalambuan sa katawhan sa tibuok Northern Mindanao nga walay pili ug diskriminasyon.