“Mano po.” Kultura sa matag Pilipino ang taas nga pagtratar ug pagrespeto sa katigulangan. Busa ang gobyerno naghatag usab og respeto ngadto sa mga lolo ug lola, hilabi na ang kadtong mga kabus, huyang, ug duna nay mga balati-an, pinaagi sa paghatag ug tabang pinansyal alang sa ilang mga panginahanglanon sama pagkaon ug tambal.

Gahapon, Nobyembre 23, 2020, ang DSWD team nga gipangulohan ni Undersecretary Aimee Neri ug Director Mari-Flor Dollaga mihatag sa ilang pagrespeto ngadto kay lola Antonio Cajardo, 85 anyos, ug lola Dominga Sagubay, 78 anyos, ug mitunol sa ilang tabang pinansyal nga mukabat og P3,000, yawat makatabang kini sa ilang pagpamalit sa ilang tambal.

Ang maong tabang pinansyal ubos sa Social Pension for Indigent Senior Citizens (SPISC) Program, usa ka regular nga programa nga giimplementar sa DSWD alang sa mga katigulangan nga kabus, huyang, ug masakiton, og walay laing gigikan sa suportang pinansyal.

Sa SPISC, ang matag kwalipikadong senior citizen makadawat og P500 matag bulan, ug madawat kini matag unom ka-bulan.

Xxxcpt