Giklaro sa Department of Social Welfare and Development (DSWD) nga P500 ang matag bulan nga madawat sa mga benepisaryo ilalom sa Social Pension Program ug dili P6,000 sumala sa nikatap nga fake news sa social media.

Ang Social Pension Program ayuda sa mga kabus nga edaran nga mga lolo ug lola subay sa Expanded Senior Citizens Act of 2010 or Republic Act 9994. Ilalom sa nasangpit nga balaod, ang mga mag-edad og 60 anyos pa taas kwalipikado nga makadawat og P500 nga pension kung siya hinay, masakiton o adunay kabilinggan; walay gidawatan nga pension sa Social Security System (SSS), Government Services Insurance System (GSIS) o uban pang social security institution sa gobyerno; ug walay permanente nga income o wala gisuportahan alang sa iyang mga panginahanglanon matag adlaw, sama sa tambal.

Ang DSWD gahatag og ayuda sa mga social pensioners matag tulo ka bulan o P1,500 matag quarter, hinungdan nga mokabat kini ngadto sa P6,000 sa sulod sa usa ka tuig.

Gihangyo ni DSWD Secretary Virginia N. Orogo ang publiko nga dili i-share ang sayop nga impormasyon aron dili na makahimo og kalibog sa publiko.

Iyang gidugang nga bukas nga DSWD sa pagtubag sa mga pangutana lambigit sa mga programa ug serbisyo sa ahensiya.

“Using inaccurate data is not helpful to the public. Much as we appreciate efforts to help DSWD in information dissemination, it would be best that fact-checking to be done first with reliable sources before sharing,” matud niya.

Sa pagkakaron, adunay 2,906,079 ka mga social pensioners nga nakadawat na og ayuda sulod sa ikaduhang quarter ning tuiga.

###