Duha ka higayon nga mipasundayag sa ilang mga produkto ang mga benepisyaryo sa Sustainable Livelihood Program (SLP) sa Lanao del Norte sa niaging semanaha aron mabaligya nila ang ilang mga produkto ug maila sa publiko. 

Walo ka benepisyaryo ang mibaligya atol sa Alimango Festival subay sa pagsa-ulog sa Araw ng Lala.

Didto sa Barangay Lanipao sa nansangpit nga lungsod nibaligya ang mga benepisaryo.

Sa pikas na dapit, mi-apil usab og baligya ang mga benepisaryo sa Kadiwa ng Pangulo (KNP) didto sa Agora sulod sa Mindanao Civic Center, Tubod.

Mismo si Governor Imelda “Angging” Quibranza-Dimaporo ang mihatag og kahigayonan nga makabaligya ang mga SLP beneficiaries atol sa pagtuyok sa Kadiwa.

Aduna 30 ka benepisyaryo ang padayong misalmot pagbaligya atol sa pag-display sa kadiwa.

Ang kadiwa inisyatiba sa nasudnong gobyerno, kauban ang lokal nga pangagamhanan, aron maghatagan og libre nga lugar nga makabaligya ang mga manguuma, micro, small and medium enterprise (MSMEs) sa kubo nga presyo.

“Dako kaayong ikatabang sa amo sa pagdisplay sa amo produkto ug affordable na presyo sa tanan,” matud ni Diosdado Padua Jr., usa ka Balik Probinsya Bagong Pag-asa Program beneficiary.

Bunga sa dako nga income sa iyang baboyan, nag-negosyo na sad siya og mga gulay.